A industria galega transformouse para loitar contra o coronavirus, empresas que non paran, pero cambian a súa produción para sacar miles de mascarillas ou batas das súas máquinas de coser, e sectores como o da automoción que reutilizan compoñentes dos vehículos para colaborar na fabricación de respiradores para os pacientes de Covid-19. 

É o caso do que está a acontecer en Vigo, onde o grupo PSA e o Centro Tecnolóxico da Automoción de Galicia (CTAG) traballan no desenvolvemento da unidade de impulsión de aire para os respiradores artificiais que ideou a compañía de alta tecnoloxía Bionix.

Son a colaboración e as sinerxias que se crean entre todos as que se marcan obxectivos e conseguen por en marcha ideas para axudar aos demáis, e iso é o que se está facendo en Galicia, unir forzas,  solidaridade, tecnoloxía e moito talento galego para avanzar o máis rápido posible cara a posible industrialización dun recurso imprescindible para a supervivencia  dos enfermos máis graves.

A tecnolóxica coruñesa Bionix lidera en Galicia un consorcio de empresas volcadas en sacar adiante este proxecto solidario que poida aportar unha solución ás necesidades dos hospitais.

Trátase de que no caso dun posible recrudecimento da pandemia, por á disposición da sanidade, se así o demanda, unha solución que permitiría complementar as capacidades existentes en equipos de respiración cumprindo todas as esixencias de validación médica.

O papel que xogan PSA e CTAG se centra, como explican, en “tarefas de deseño, prototipado e probas funcionais e de robustez, colaborando no desenvolvemento do sistema electrónico de regulación da mestura de oxíxeno co aire e de sistemas alternativos de impulsión de aire”. 

Para iso aprovéitase a reutilización de compoñentes dos vehículos fabricados na pranta de Vigo, que ofrecen “alta fiabilidade”.

E como se leva a cabo unha empresa de tal importancia? 

O 18 de marzo, apenas catro días despois de que se decretara o estado de alarma, o proxecto de Bionix naceu para paliar un posible colapso sanitario. Constatou a necesidade que hai de respiradores cando as cifras de afectados non fixeran máis que empezar a sumar. 

Ese mesmo día comezaron co deseño conceptual de mecánica, hidráulica e software y o Clúster TIC Galicia coordinou a integración doutras empresas, do sector metalmecánico, da impresión 3D e a electrónica, un “equipazo”. E da automoción.

Os centros galegos na diáspora seguides facendo oír a vosa voz, máis conectados que nunca coa vosa terra, con Galicia, iso si, por videoconferencia, como obriga o coronavirus. Sodes case 200 as entidades galegas no exterior as que vos encargades de mantervos unidos a todos os emigrantes, axudando a conservar e difundir a galeguidade por todo o mundo.

E nesta crise sanitaria na que todos estamos atrapados, os lazos de unión teñen que estreitarse máis se cabe. Por iso, Galicia emprendeu unha viaxe virtual cos galegos que residides no estranxeiro, cara a cara, aínda que en modo telemático, para escoitar as vosas necesidades. Desde a comunidade séguese dun xeito moi cercano e atento a situación que estades vivindo, por mor do coronavirus, os que estades fóra.

Unha situación que podería obrigar a por en marcha medidas extraordinarias destinadas a paliar a crise que se orixinou no caso de que fora necesario.

É a mensaxe que quere trasladar a Secretaría Xeral da Emigración ao máis de medio millón de galegos que vivides na diáspora, noutras pequenas Galicias repartidas por todo o globo. Para coñecer como o estades pasando en cada un deses enclaves galegos no exterior e para que este seguimento sexa o máis personalizado posible, o secretario xeral, Antonio Rodríguez Miranda, embarcouse nunha rolda de entrevistas virtuais. Nunha destas escalas acompañou ao presidente da Xunta, Alberto Núñez Feijóo. Cho contamos aquí.

O calendario de reunións é unha viaxe que debuxa o mapa dos galegos no estranxeiro, aínda que nesta ocasión sexa a través da pantalla do ordenador. A primeira parada foi en Arxentina e Uruguai, e o interlocutor, o delegado da Xunta nestes países, Alejandro López Dobarro. Unha visita virtual para repasar a actualidade que vivides e o que podedes necesitar para afrontar as consecuencias do Covid-19.

Sopran novos tempos para a eólica, coa forza do vento galego e un aire limpo que sitúa ás enerxías renovables como a gran aposta dunha Galicia que quere ser aínda máis verde. Adeus enerxías contaminantes, as fontes limpas e eficientes chegaron para quedarse e a comunidade estase a preparar para liderar a transición enerxética contra o cambio climático con todo o empuxe da eólica.

O impacto medioambiental non só suma para que este sector sexa clave para Galicia. Tamén o económico, con cifras tan millonarias e inmensas como as pas ao viento que xiran nos altos galegos. Pas que superan os 50 metros de longo e aeroxeradores que queren rozar o ceo coa súa altura de case 100 metros. Números xigantescos.

E o impacto tradúcese tamén en emprego estable e de calidade. Agárdase que na próxima década a construcción de parques eólicos na comunidad xerará máis de 8.000 novos postos de traballo. E aquí ímolo contar.

Porque o 2019 foi o ano do rexurdir da eólica en Galicia. Porque a comunidad convertíuse xa nunha referencia en enerxías limpas e é a terceira española co nova potencia instalada en 2019. As cifras así o demostran, coa entrada en funcionamento de 18 prantas eólicas cunha potencia de 416 megavatios. E non só polos datos do ano pasado, en total instalada só a superan Castela e León e Castela A Mancha.

A construcción destas 18 infraestructuras en 2019 supuxo un investimento de 509 millóns de euros e deu emprego a case 2.400 personas. Seis delas son da galega Norvento, capaces de suministrar electricidade a 90.000 hogares

Máis cifras interesantes. A xeración desta enerxía en 2019 permitiu cubrir o 45% da demanda eléctrica, e agárdase que este ano represente o 35% do total, superando con creces as medias estatais. O obxectivo, que en cinco anos Galicia produza enerxía cen por cen renovable. É un camiño ambicioso na loita contra o cambio climático. E é que a produción eólica evitou o ano pasado a emisión de sete millóns de toneladas de CO2.

E como acada Empathy.co recuperar o talento emigrado? Ofrecendo condicións laborais e unha proxección profesional que incentivan o retorno de expertos TIC que ata agora non tiveran a opción de desenvolver a súa carreira en España. Esta política de atracción e retención de talento baséase tamén en programas que impulsan o desenvolvemento das ideas e os proxectos propios dos traballadores.

Para o fundador da compañía, Ángel Maldonado, o crecemento que rexitraron en 2019, do 49% en facturación, “non tería sido posible sen a incorporación de talento aos nosos equipos. E nos sentimos especialmente orgullosos de ter podido recuperar talento español emigrado e incorporalo ás nosas oficinas de Asturias e Galicia”.

É o caso de Pedro Facal, que forma parte do equipo coruñés e aproveitou a oportunidade para unirse como líder de Data Science. Traballaba en McLaren Racing en Londres, e regresou.

“O que máis me atraeu de Empathy.co é a súa proxección internacional, desenvolvendo desde España un producto que usan compañías internacionais líderes nos seus sectores”, afirma Pedro Facal desde A Coruña.

A estratexia de Empathy.co ten previsto continuar durante este 2020 reforzando a súa plantilla con novas incorporacións que lles permitan seguir avanzando na súa tecnoloxía de búsqueda e descubrimento para ecommerce.

Son xa un equipo de 74 persoas e aspiran a ser 100 este ano.

“Iniciativas como esta son de grande importancia non só para os que desexan volver e continuar coa súa carreira profesional, senon tamén para a rexión, que precisa de máis apoios do sector privado e da administración para continuar repatriando talento”, explica José Lueje, director financieiro e estratéxico de Empathy.co, e xixonés retornado procedente de Citibank en Londres.

Se queres coñecer máis sobre esta empresa que axuda a que talentos como o teu regresen a casa visita a súa web. Pode que estén buscando un perfil como o teu!

O terceiro trimestre, o decisivo, o definitivo, o final do curso, comeza despois das vacacións de Semana Santa. Sempre foi así, ata agora, cando as vacacións perderon todo o seu significado anterior e o último tramo do período escolar empezará como acabou o segundo, cos alumnos galegos afrontando a súa educación desde casa por culpa do coronavirus. Un Covid-19 que pola súa trascendencia sanitaria, social, económica, como pandemia mundial, fíxose un oco xa nos contidos, probablemente dixitais, que se estudiarán nas aulas. 

Unhas aulas que están vivendo tamén a súa propia transformación, traspasando as paredes dos colexios e institutos ata chegar ás dos fogares, onde toca agora seguir co curso coa ensinanza online do profesorado, sexa Primaria, Secundaria, Bacharelato ou Formación Profesional.  Ata os pequenos de Infantil reciben propostas de actividades!

E é que en Galicia construíuse una base dixital que amosa en momentos como este que está obrigando a vivir o coronavirus a necesaria e imprescindible aposta que é a aprendizaxe nun entorno virtual. 

O programa Abalar foi o principio, no curso 2009/2010, un proxecto para alcanzar o centro educativo dixital. Coñeces por que se chamou así? Abalar ten a súa orixen por unha parte na palabra celta “Abal”, que significa mazá, a froita da sabiduría, e por outra no termo galego “abalar”, que se refire ao movimento e quere transmitir a mensaxe de promover o cambio e a transformación na educación. 

Obxectivo que se conseguíu convertindo a Galicia nunha comunidade pioneira en educación dixital grazas a ferramentas como E-Dixgal, unha plataforma de aprendizaxe virtual á que este curso están adheridos 27.000 alumnos de 5º e 6º de Primaria e de 1º y 2º de ESO, pero que agora se abriu a todos os centros galegos para que ata 95.000 estudantes poidan acceder aos contenidos dixitais desde as súas casas.

As editoriais proveedoras, aulaPlaneta, Edebé, Netex e Pearson, permiten así a entrada aos seus recursos aos colexios ou institutos que non estean integrados na iniciativa de aula dixital.

É unha pausa, un parón nunha rutina que nunca volverá a ter o mesmo sentido. Nos tempos do coronavirus as prioridades están cambiando e os hábitos e o ocio, obrigados a quedarse na casa, tamén. Aínda que hai un hábito, o de la lectura, que forma parte das nosas vidas, e no caso de que non fora así, por que non aproveitar esta pausa para gozalo máis que nunca? 

Porque estamos pechados, é o mellor momento para ler libros e revistas, ver películas, percorrer exposicións de maneira virtual, para que a cultura siga viva.

Coñeces GaliciaLe? É unha plataforma de préstamos de obras en formato electrónico das bibliotecas públicas galegas. Para entrar, habitualmente é necesario ter un carné de usuario, pero agora, para facilitar o acceso, ábrese á toda a poboación para que desde todos os fogares se goce da cultura durante o confinamento que provocou a pandemia do coronavirus.

E que podes atopar en GaliciaLe? Máis de 4.500 títulos de libros, revistas ou películas que podes descargar e ver nos teus dispositivos electrónicos: ordenadores, tabletas ou teléfonos móbiles. A maioría están en galego e en castelán, pero tamén noutros seis idiomas: inglés, portugués, francés, italiano, catalán e euskera. Hainos para todas as idades, obras infantís e xuvenís, e se o que queres é outro tipo de entretenemento, hai 31 revistas e 300 audiovisuais feitos en Galicia, desde longametraxes e curtas ata documentais. Todo un catálogo de cultura galega.

• Se xa tes un lugar no que traballar ou o tiveches que adaptar non menos importante é a equipación que precisas, incluida unha cadeira que axude ás túas costas a soportar as horas laborais na casa. Pode que polo teu emprego a túa empresa habilitase unha plataforma de teletraballo con equipo informático na casa e tamén o desvío de teléfonos, pero tamén pode ser que necesites ferramentas tecnolóxicas que facilitarán o desempeño das túas tarefas en remoto. Estas son algunhas das que poderás necesitar:
• A comunicación non para en tempos de coronavirus, de feito, acabarás botando de menos esa relación interpersoal a nivel profesional, así que preparáte para botar man de videoconferencias, audioconferencias ou chats para facer tarefas grupais en modo virtual. Sempre hai que aforrar tiempo e aumentar a eficiencia. Seguro que xa coñeces Skype ou Hangouts, pero tamén como exemplos de aplicacións para estas tarefas existen Jitsi ou Zoom. 

Para unha implantación efectiva do teletrabajo usa as ferramentas que máis domines ou sobre as que teñas referencias para minimizar o esforzo de adaptación. É unha recomendación que vale para todas.

• Seguindo co traballo en equipo necesitarás a nube para almacenar e poder compartir información cos teus compañeiros ou clientes. Tamén transferir arquivos para enviar documentos de maior tamaño a varias persoas. Tes varios recursos ao teu alcance: Nextcloud, Drive, Dropbox, Onedrive, Wetransfer. Sóanche, verdade?
• Outra recomendación de aplicacións é a que se refire á xestión de tarefas en equipo e de proxectos. Permiten unha maior eficiencia e facilitan a dixitalización das mesmas. Axudarante Trello ou Slack. Para xestionar proxectos de forma colaborativa e que a información esté actualizada están Taiga e Basecamp. E para crear de forma telemática e simultáneamente documentos, follas de cálculo e presentaciones, Microsoft Office 365 e GSuite. Fan posible o traballo en equipo sobre unha mesma versión do documento.
• E por último e a modo de recordatorio, ten en conta que para traballar en casa necesitas unha navegación segura, así que usa só a conexión do teu domicilio ou a que che presta a túa empresa e evita asimesmo o acceso a páxinas dubidosas ou os correos electrónicos sospeitosos. Os virus tecnolóxicos tamén están aí fóra!

O máis de medio millón de galegos que vivides repartidos polo mundo seguro que estos días seguides con preocupación non só como está afectando a pandemia do coronavirus aos países nos que residides, tamén a Galicia e ás vosas familias. É un problema global que afecta a todos, e para tentar paliar a vosa situación, vós, por encontrarvos tan lonxe da vosa terra, tendes que saber que a atención que necesita a diáspora segue activa e reforzándose desde Galicia. 

Estabades tramitando algunha axuda económica ou bolsa para os gallegos no exterior? Tendes pensado regresar á comunidade e agora non sabedes como proceder?

A Secretaría Xeral da Emigración está respondendo e tramitando con todos os recursos dispoñnibles neste momento todas as consultas que están chegando tanto referidas ao ámbito da emigración como do procedemento de retorno. 

Xa sabedes que as Oficinas Integrais de Asesoramento e Seguimento ao Retorno das catro provincias galegas están pechadas, tamén as delegacións da Xunta en Arxentina e Uruguai deixaron de atender aos emigrantes de maneira presencial, como medida preventiva. Con todo, para continuar respondendo á demanda de consultas ou dúbidas que poidades facer chegar tomade nota da seguinte información. Son correos electrónicos e números de teléfono aos que vos podedes dirixir, eso si, tende en conta que o volume de cuestións pódese incrementar nestes momentos de crise así que recoméndase que as chamadas telefónicas se empreguen en caso de causas extraordinarias ou de maior gravidade para garantizar a óptima operatividade do sistema de atención que se vos ten que prestar.

Se as vosas consultas se refiren a temas de emigración, como poden ser a tramitación das axudas individuais aos galegos no exterior ou os distintos programas para visitar Galicia, tendes estas formas de contacto á vosa disposición:

• Para consultas de información xeral

Correo electrónico: oficina.emigracion@xunta.es

Teléfono: 0034 981 547268

• Para consultas sobre axudas a entidades galegas

Correo electrónico: emigracion.subvenciones@xunta.gal

Teléfono: 0034 981 545833

Se estabades planeando o voso retorno a Galicia ou o fixestes recentemente e necesitades axuda e orientación, esta tampouco para e o equipo especializado que vos atende presencialmente nas Oficinas Integrais de Asesoramento e Seguimento ao Retorno segue operativo a través do correo electrónico para darvos as respostas que estades buscando.

• Para consultas xerais sobre retorno

Correo electrónico: retorno.emigracion@xunta.es

Teléfono: 0034 981 957 162

• Para consultas ás diferentes sedes da Oficina Integral de Asesoramento e Seguimento ao Retorno de Galicia

Santiago: oficinaretorno.emigracion.santiago@xunta.gal

A Coruña: oficinaretorno.emigracion.coruna@xunta.gal

Ourense: oficinaretorno.emigracion.ourense@xunta.gal

Vigo: oficinaretorno.emigracion.vigo@xunta.gal

Lugo: oficinaretorno.emigracion.lugo@xunta.gal

Como comentabamos as Delegacións da Xunta no exterior tamén se viron obrigadas a pechar ao público, pero vos atenden a través do correo electrónico. 

• Para consultas á Delegación da Xunta na Arxentina

Correo electrónico: delegacion.buenosaires@xunta.es

• Para consultas á Delegación da Xunta en Uruguay

Correo electrónico: delegacion.montevideo@xunta.es

Seguiremos informando de calquera cambio, pero lembra, a atención aos galegos no exterior segue máis que activa desde Galicia. Non estades sós!