Coñeces as Axudas ao Retornado Emprendedor? É o programa que che anima a volver a Galicia e ademais convertindo a túa idea en negocio. É unha oportunidade para iniciar unha nova etapa persoal e profesional na comunidade, como xa fixeron máis de 200 emigrantes retornados galegos. 

Os últimos, 55 que veñen de ver o seu soño convertido en realidade na lista de beneficiarios da Secretaría Xeral da Emigración publicada polo Diario Oficial de Galicia. Estes retornados obtiveron entre 3.500 e 8.000 euros para levar a cabo a súa empresa, e outros dous, unha subvención menor por ter recibido outro tipo de aportacións autonómicas.

O obxectivo do plan, que contou cunha inversión de 341.000 euros, é que te poidas establecer en Galicia e que o fagas a través do autoemprego. As ayudas que podes pedir teñen unha cuantía fixa de 5.000 euros, e  increméntanse en 1.000 euros máis se eres muller, e noutros 2.000 se te instalas no rural, un incentivo máis para promover o desenvolvemento destas zonas.

Podes conseguir un máximo de 8.000 euros e só tes que aportar o teu plan de negocio empresarial que teña un informe de viabilidade económica e financiera dunha entidade independiente, como a unidade de Galicia Emprende e os axentes de emprego e desenvolvemento local.

A medida inclúe a autónomos, socios traballadores de sociedades mercantís, sociedades laborais e cooperativas de traballo. 

Venezuela, Brasil e o Reino Unido son os principais países de orixe dos beneficiarios, aínda que tamén hai por primeira vez retornados de Seychelles, Nicaragua, Colombia ou Emiratos Árabes Unidos. De onde vés ti?

A próxima convocatoria está a piques de publicarse así que permanece atento á nosa información, ti podes ser o próximo Retornado Emprendedor.

Eles xa o son:

Andrés Rodiño volveu a Sanxenxo tras seis anos en Escocia e creou unha empresa turística, Rooteiro, para poñer en valor o patrimonio e a cultura galegas. Viu o potencial que ten Galicia en turismo e aproveitouno. Na súa opinión, “a axuda de Emigración foi fácil de tramitar e dancha rápido”. Pincha aquí para saber máis.

Manuel Germade estivo en Xapón cinco anos formándose para ser un "mestre de bonsáis" e agora ensina no seu Bueu natal o seu talento. A subvención lle permitiu convertir a súa paixón nun modo de vida e difundir os seus coñecementos non só na súa escola, tamén polo resto do mundo. Coñece aquí a súa historia.

Se es autónomo e queres volver a casa, agora tes unha grand oportunidade. A aposta polo emprendemento convertiuse nun dos grandes eixos de actuación do Goberno galego nos últimos tempos. Cada ano convócanse diferentes programas e liñas de actuación que buscan promover o emprego por conta propia, consolidar negocios e ao mesmo tempo, facilitar a conciliación da vida familiar e persoal.

Unhas medidas que, na súa maioría, están agora mesmo abertas poñendo á túa disposición máis de 24 millóns de euros.

Programa Nova Oportunidade

• Aberto ata o 30 de setembro. Podes consultalo aquí.
• Apoios de ata 12.000 euros a persoas que estiveron ao fronte de iniciativas que non foron adiante para que volvan a emprender. 
• A axuda increméntase nun 25% se es retornado e queres volver. 

Bono Renova

• O prazo mantense aberto ata o 30 de setembro. Tes aquí máis información.
• Conta con tres liñas específicas: Bono asesoramento, Bono formación e Bono inicio de actividade.
• O obxectivo é promover o traspaso dos negocios e impulsar a trasmisión xeracional con axudas desde 5.000 ata 29.000 euros.
• A axuda aumenta un 25% no caso das persoas retornadas que queredes regresar a Galicia.

         Axudas para impulsar o emprego autónomo e apoiar a consolidación do existente

• Podes pedir a axuda ata o 30 de setembro. Consulta toda a información aquí.
• Ata 13,6 millóns de euros dispoñibles para cubrir distintas necesidades do emprego autónomo, coa previsión de beneficiar a 4.000 persoas e 125 empresas.
  
• As axudas increméntanse nun 25% se es retornado e queres volver.

As cooperativas e as sociedades laborais convertíronse nun modelo crecente e en auxe na chamada economía social. Nel poden atoparse firmas tan relevantes como Clun, formada por Melisanto, Feiraco e Os Irmandiños, ou Coren. Un sector no que, se estás pensando en volver a Galicia, podes atopar un emprego.

Para iso, algunhas iniciativas como o programa Aprol Economía Social priorizan aos emigrantes retornados, incrementando un 25% os seus apoios.

Este programa conta con dúas liñas destacadas. A primeira, destinada ás cooperativas e as sociedades laborais para que incorporen persoas socias traballadoras. E por outro lado, apoiando directamente ás persoas desempregadas ou traballadoras temporales que desexan acceder á condición de socias nestas entidades.

Prevese que coa convocatoria deste ano póisade chegar ata as 100 cooperativas ou sociedades laborais beneficiarias, que poderán incorporar ata 250 novas persoas socias traballadoras. O prazo de presentación de solicitudes estará aberto aquí ata o 30 de setembro, e poderán concorrer todas as incorporacións que se produzan entre o 2 de outubro de 2019 e o 14 de novembro de 2020.

As axudas ás que poderán optar as cooperativas e sociedades laborais son de entre 6.000 e 16.500 euros por cada persoa que incorporen a tempo completo, sexa desempregada, traballadora temporal da propia entidade ou socia a proba desta. Unha soa entidade podería chegar a percibir ata 67.500 euros por esta liña de axudas.

Pola súa banda, as persoas que queiran acceder como socias traballadoras a unha cooperativa ou sociedade laboral, poderán percibir unha axuda de entre 6.000 e 16.500 euros (en función do capital social que teñan que aportar á entidade) se se incorporan a tempo completo. Poden optar a esta subvención as persoas desempregadas, asalariadas (fixas ou temporaies) da entidade ou socias a proba, así como as traballadoras doutro tipo de empresas que se transformen en cooperativas ou sociedades laborais.

Se tes menos de 35 anos e queres volver a Galicia, esta é unha boa oportunidade: o programa Retorno Talento Novo. Unha nova iniciativa que acaba de anunciar o Goberno galego, e coa que aspira, durante este ano, a promover a volta á rexión a 1.500 mozos retornados.

Dotado con máis dun millón de euros, o programa permitirá desenvolver distintas accións formativas e impulsar a obtención de certificados de profesionalidade válidos en toda España, facilitando desta forma o acceso ao mercado laboral dos beneficiados.

Esta iniciativa súmase a outras xa activas e centradas tamén na captación do talento galego en todo o mundo.

Así, desde o pasado 21 de febreiro, está aberto o prazo de solicitude do programa Investigadores Distinguidos (www.xunta.gal/dog/Publicados/2020/20200221/AnuncioG0534-080120-0002_gl.html), que, entre as súas 15 prazas, ten 10 habilitadas na categoría de retorno, ofrecendo ata un máximo de 96.000 euros ao ano a aqueles investigadores que desexen seguir nalgunha das universidades galegas os seus traballos.

Ademais, se o que queres é volver a Galicia para emprender, durante as próximas datas está prevista tamén a apertura dunha nova edición do programa de Retorno Emprendedor, que ofrece axudas de ata 8.000 euros para todos aqueles galegos do exterior que queiran volver á súa terra para impulsar unha nova iniciativa empresarial. 

Hai vida no rural e persoas comprometidas para reactivalo e que os pobos non queden abandoados e sumidos no esquecemento. Con este propósito nace unha iniciativa que aínda que pode parecer incrible e idílica, é real e está a ocorrer en Galicia. É a historia de A Casa da Poza.

Situada nunha aldea de Poulo, en Gomesende, na comarca ourensá da Terra de Celanova, unha familia decidiu poñela en aluguer por 50 euros ao ano, si, así, cun só cero, porque se trata dun prezo simbólico.

Porque como eles din “A casa para quen a traballa!”, é a única condición desta proposta, na que “preferimos falar de traballo, de involucrarse, de ilusión e de proxectos que de diñeiro”. 

Entre tantas casas de pedra que salpican o verde rural galego, A Casa da Poza é unha antiga vivenda familiar, de 200 metros cuadrados e 1.500 de finca cuxos donos non queren ver como se derruba e pretenden darlle unha segunda vida e unha oportunidade a quen lles interese reconstruíla tras unha década en desuso. Ten cociña, catro habitacións, un baño e un servizo. Ademais dun patio, bodega e un secador de chourizos, unha poza e terreo suficiente para traballalo como horta. E está a media hora en coche de Ourense e a 45 minutos de Vigo.

A través dun concurso que está aberto a propostas ata o 30 de abril, ofrecen un contrato de oito anos prorrogables a dez por un aluguer de 50 euros anuais fixos, porque cren “firmemente en potenciar a reactivación do rural galego a través de acordos de cesión de uso orientados máis ao traballo na vivenda que ao intercambio económico”.

De aquí sae o lema, a casa para quen a traballa, pois o contrato de cesión do uso vai dirixido a aquelas persoas que teñan ganas de habitar, coidar, dar vida e reformar unha casa nunha aldea tranquila, moi pouco poboada e rodeada de natureza.

Si che interesa apoiar su iniciativa tes que comprometerte a residir na vivienda e mantela, aínda que está habitable necesita un acondicionamento e arranxos, e tamén coidar a leira. 

O proxecto, relata a familia propietaria, está aberto a todo o mundo, o importante é que estés decidido a iniciar unha vida no rural e o demostres coa túa proposta.

O inquilino ou inquilinos gañadores terán que trasladarse nun prazo máximo de tres meses despois de asinar o contrato.

Se te atreves a participar podes rexistrar o teu proxecto na páxina web que crearon para a ocasión, casadapozapoulo.wordpress.com, onde recollen as bases do concurso, os formularios de solicitude e o contacto. Tamén podes visitar a casa a través das súas fotografías!

Tes ilusión, ideas e ganas de traballar? Se é así, danche a benvida!

Con este mesmo fin tes que saber que na comunidade, a Xunta porá en marcha un novo Plan de formación na automoción para os dous próximos anos que ofertará 1.120 cursos con 9.152 prazas tanto para ocupados como para desempregados.

Se estás buscando unha oportunidade, ésta chegará por parte de 6.056 prazas en unidades formativas nas empresas para que recibas formación “á carta” nos postos máis demandados. Ademáis, realizaranse, para outras 746 persoas, accións en entidades homologadas e centros propios da Xunta. Para os traballadores en activo, haberá 2.332 prazas e 664 cursos para a súa "reciclaxe".

O plan quere contribuir a que te formes en novas tecnoloxías relacionadas coa industria 4.0 e a aumentar as túas posibilidades de atopar traballo. E é que as empresas teñen o compromiso de contratar ao menos ao 40% das persoas que formen.

A demanda crece moi rápido. Segundo o Clúster de Empresas de Automoción de Galicia (Ceaga), o sector da emprego a máis de 22.000 traballadores directos e en 2018 (últimas cifras pechadas) creáronse 1.500 novos postos. Só Citroën PSA, principal constructor para o que traballan as empresas auxiliares galegas, incorporou a finais do ano pasado a 1.200 operarios.

Con este documento acreditas a túa condición de cidadán español que emigrou para traballar e que regresa definitivamente ao seu país.

O CER recolle a data da última saída de España, a data de retorno, o tempo traballado no país ao que emigraches, o tempo de ocupación cotizado, e información de que como traballador non tes dereito á prestación por desemprego no país do que volves.

Para que serve

Este documento é necesario para que podas participar nas convocatorias de axudas ante as administracións estatais, autonómicas e locais. Por exemplo, debes tramitalo para solicitar algunha destas prestacións, e se reúnes os requisitos establecidos en cada caso:

• A prestación por desemprego de nivel contributivo.
• O subsidio por desemprego para emigrantes retornados
• A renta activa de inserción.

É recomendable que pidas o certificado nada máis regresar a Galicia, porque ten unha validez de dous anos. 

Documentación

Podes solicitalo ante a Área de Traballo e Inmigración da Delegación ou Subdelegación do Goberno acreditando os seguintes puntos:

• DNI ou pasaporte en vigor.
• Ter a nacionalidade española durante o tempo traballado no estranxeiro. 

No caso de fillos e netos de emigrantes, para un primeiro retorno a España para fixar a súa residencia permanente, terase en conta a actividade laboral desde que adquiriron a nacionalidade española sempre que estean inscritos no Rexistro de Matrícula Consular.

• Data da última saída de España, mediante presentación de pasaporte ou documento xustificativo.
• Data do retorno a España, probada co billete de avión e o pasaporte cos selos de saída e entrada. A baixa no Rexistro de Matrícula Consular non é proba suficiente.
• Traballo realizado no estranxeiro e duración do mesmo acreditados mediante contratos, certificados ou cotización á Seguridade Social, debidamente legalizados antes do retorno.
• Declaración responsable do país de orixe de que non percibes prestación por desemprego.

No caso de que retornes dos países da UE, Espacio Económico Europeo, Suiza ou Australia (con autorización de residencia permanente neste país) non necesitarás o CER para acceder á prestación de desemprego porque acreditarás o teu traballo no exterior a través dos seguintes formularios:

• Formulario U1 se procedes da UE ou Suiza.
• Formulario E301 se procedes de Noruega, Islandia ou Liechtenstein.
• Formulario “Verification of working life residence in Australia” se retornas de Australia con residencia permanente.