- En Galicia podes estudar ramas de FP e FP dual enfocadas ao sector e as carreiras de Robótica ou Enxeñería Industrial
- O novo Plan de formación 2020-2022 ofertará 1.120 cursos con 9.152 prazas para ocupados e desempregados
Queres traballar nas fábricas do futuro? Sabías que o sector da automoción galega está vivindo unha cuarta revolución industrial? Un dos ámbitos estratéxicos da economía está inmerso xa no seu camiño á industria 4.0, o que fai necesario non só unha forte inversión en tecnoloxía nun entorno de robótica e máquinas inteligentes e dispositivos interconectados, senón tamén a adaptación do seu personl a un novo modelo produtivo.
A forma de traballar, cada vez máis automatizada, xa non será a mesma e abre un panorama de oportunidades en materia de emprego e formación porque os perfís profesionais que se empezan a demandar requiren de novas habilidades.
E que perfiles buscan? Como podes formarte ou reciclarte para ser un operario do futuro?
Empresas referentes e punteiras como o grupo Citroën PSA, en Vigo, buscan profesionais de produto, de proceso, e técnicos e managers con grao en enxeñería industrial.
En Galicia tes a oportunidade de estudar unha Formación Profesional dual en automoción, carrocería, electromecánica de automóbiles, automatización e robótica industrial; e Robótica ou Enxeñería industrial nas universidades galegas. Son planes de estudio enfocados a responder ás demandas dun campo laboral cada vez máis especializado e en contacto coas empresas empregadoras.
Con este mesmo fin tes que saber que na comunidade, a Xunta porá en marcha un novo Plan de formación na automoción para os dous próximos anos que ofertará 1.120 cursos con 9.152 prazas tanto para ocupados como para desempregados.
Se estás buscando unha oportunidade, ésta chegará por parte de 6.056 prazas en unidades formativas nas empresas para que recibas formación “á carta” nos postos máis demandados. Ademáis, realizaranse, para outras 746 persoas, accións en entidades homologadas e centros propios da Xunta.
O plan quere contribuir a que te formes en novas tecnoloxías relacionadas coa industria 4.0 e a aumentar as túas posibilidades de atopar traballo. E é que as empresas teñen o compromiso de contratar ao menos ao 40% das persoas que formen.
A demanda crece moi rápido. Segundo o Clúster de Empresas de Automoción de Galicia (Ceaga), o sector da emprego a máis de 22.000 traballadores directos e en 2018 (últimas cifras pechadas) creáronse 1.500 novos postos. Só Citroën PSA, principal constructor para o que traballan as empresas auxiliares galegas, incorporou a finais do ano pasado a 1.200 operarios.