As notas non empezaran a soar e miles de persoas xa agardaban expectantes que a conta atrás os trasladara á primeira clase de “Aula GaliciaAberta”, a un esperado contacto con Galicia. A pandeireta e a voz de Leni Pérez reuniron a 10.000 galegos de todo o mundo no seu estreno no novo programa gratuito que puxo en marcha a Secretaría Xeral da Emigración para que non pare a formación e a difusión das tradicións de Galicia. O coronavirus obrigou a pechar os centros galegos na diáspora, encargados de preservar e divulgar a cultura propias da comunidade, e suspendeu as súas actividades. E Galicia lles devolve ese gran traballo

Porque as actividades viaxan agora vía Facebook Live a todos os puntos do mapa mundial onde hai un galego.

A clase en liña de percusión de man e canto foi seguida por máis de 10.000 persoas, tanto durante a súa retransmisión en directo, como posteriormente na rede social da Secretaría, Galicia Aberta. Ademais, superou as 2.000 interaccións, xerou preto dun millar de comentarios e foi compartida por máis de 125 persoas. Un total de 45.000 minutos reproducidos, 42.000 en directo.

As cifras reflicten o éxito desta iniciativa coa que a Secretaría Xeral da Emigración quere agradecer a labor que realizan as Casas de Galicia, centros culturais e asociacións no estranxeiro. Chegar virtualmente a 17.000 persoas que se conectaron desde a propia comunidade, e en número destacado desde Argentina, desde a cidade e a provincia de Bos Aires, desde Santa Fe, Mar del Plata... Asimismo, Uruguai e Brasil rexistraron un elevado número de asistentes. En España, os galegos de Madrid e Cataluña participaron activamente na clase. 

Programación

Os seminarios, que podes seguir durante os dous próximos meses, celébranse de luns a xoves de 20.00 a 22.00 horas. A primeira hora está adicada á clase formativa e a segunda para resolver dúbidas. Os luns toca percusión de man e canto, con Leni Pérez; os martes, percusión con Alexandre Fernández Castro; os mércores, gaita con Jhonathan Ferreira; e os xoves é o turno de José Antonio Viñas e o baile galego.

Ten en conta que se non tes a posibilidade de asistir en directo aos cursos, os vídeos quedarán colgados na web de Galicia Aberta, polo que poderás velos cando e as veces que o necesites. E é que hai que practicar! 

Que non te desanime que no teñas coñecementos previos nestas materias, non só están dirixidos aos galegos que asistiades a estes cursos nas preto de 200 entidades no exterior, tamén aos que queirades empezar de cero. Para axudarvos, ademais, os profesores facilitaranvos material para preparar as clases desde unha semana antes, se así o consideran. 

Lembra que os seminarios prolongaranse durante dez semanas e estarán integrados por unha ducia de sesións, podes consultar aquí a programación. As clases seguirán un fío conductor, pero poderán ser atendidas de xeito independente para darte máis liberdade.

Anímate a participar e conéctate con Galicia! "Aula GaliciaAberta" te espera!

Hai xa máis dunha década, a tecnolóxica coruñesa Docuten atopaba un nicho de mercado que lle deu un merecido posto na lista das empresas galegas máis punteiras. Entón se chamaba Enxendra, un proxecto de dous emprendedores, Brais Méndez e Ángel Aparicio, que naceu centrado na factura electrónica. Dez anos despois, os seus productos innovadores axudan ás compañías a dixitalizar os seus procesos administrativos, desde a facturación e a firma ata os contratos e os pagos.

Axudan ás compañías que confían nos seus servicios, e agora, gratuitamente, a aquelas relacionadas co coidado de maiores, centros sanitarios e outras organizacións que están colaborando en loitar contra o coronavirus. Porque en tempos de Covid-19 hai empresas que tamén despuntan en solidaridade.

E que pode facer esta startup? As súas ferramentas dixitais facilitan procedementos como a firma de contratos mercantís, a emisión e recepción de facturas con clientes e proveedores ou a emisión de documentos a empregados, como acordos de teletraballo. 

A tecnoloxía de Docuten permite que estes procesos se poidan levar a cabo dixitalmente e que hospitaies ou residencias de maiores, por exemplo, poidan seguir coa súa actividade de forma fácil e legal e evitando desprazamentos para facer estes trámites, colaborando así en evitar a propagación do virus.

Docuten é en Galicia unha marca de tecnoloxía ey talento. Pero tamén fóra da comunidade.

Xigantes galegos e internacionais como Estrella Galicia, Bimba y Lola, Desigual, Grupo Planeta, Cabify e Louis Vuitton, entre outros, utilizan os seus servicios.

Unha proxección que lles levou a uns plans de futuro máis ambiciosos que levarán o nome de Galicia polo mundo. 

A crise do coronavirus está tendo consecuencias económicas en miles de familias galegas, entre as que pode que vos encontredes vós, os emigrantes retornados, os que acabades de volver á vosa terra. Lembrade que se necesitades unha axuda para facer fronte aos gastos que conleva o retorno, tendes á vosa disposición as Axudas Extraordinarias ao Emigrante Retornado, un programa da Secretaría Xeral da Emigración no que hoxe máis que nunca vos podedes apoiar para afrontar esta etapa.

Se volviches a Galicia desde o estranxeiro nos últimos dous anos, es galego ou o teu cónxugue o é, ou es fillo de galego nado na comunidade infórmate aquí dos trámites que debes realizar. As subvencións manteñen o seu prazo aberto ata o 31 de agosto e as podes pedir na sede electrónica da Xunta. 

Tes que saber que as xudas prestan unha especial atención ás familias. O programa ten unha dotación económica de 1,9 millóns de euros, frente aos 1,75 do ano anterior, un aumento que responde á necesidade de ayudarvos ás familias que volvestes con fillos  menores de idade.

Esta ampliación do orzamento permite dar unha axuda de 1.000 euros por fillo menor de idade, ata o segundo, e de 1.500 euros para o terceiro e sucesivos.

Ademais, se fixaches a túa residencia nun concello rural, o apoio por fillo increméntase nun 25%.

Facilitar o retorno dos emigrantes e os seus descendentes é o obxectivo de Galicia e así llo trasladou o secretario xeral da Emigración, Antonio Rodríguez Miranda, ao presidente da Federación Venezolana de Galicia (Fevega), Manuel Fernández Vidal, nun encontro telemático no que analizaron como está vivindo este colectivo as consecuencias da crise.

Se retornaches de Venezuela ou te gustaría facelo, Fevega ten abertas desde hai tres anos varias oficinas que ofrecen información e asesoramento gratuito e personalizado a todos os emigrantes retornados que o pidan. 

Podes atopar as súas sedes nas cidades da Coruña, Vigo, Ourense e Lugo, ás que se suma outra itinerante que acostuma a percorrer os principais concellos galegos. Fevega, grazas a un convenio con Emigración, complementa así a labor que se realiza desde a Oficina Integral de Asesoramento e Seguimento ao Retornado da Secretaría Xeral.

Lermbra que aínda que a actividade presencial está suspendida, tes á túa disposición ao persoal especializado a través do teléfono e do correo electrónico. Atoparás todos os datos que precisas na seguinte ligazón.

A beiras do Mar do Norte, na boca do Río Elba, esténdese un pequeno municipio; pequeno para Alemaña, claro. Cuxhaven. Cidade principal dun distrito que apenas suma 100.000 habitantes. Unha terra basta e pouco poboada onde a calma mantense a pesar de todo. Tamén hoxe. Tamén agora, nesta rara época que nos envolve.  

Alí chegou hai uns anos Fran Álvarez, galego e cunha vida por vivir. Unha viaxe que o conduciu, con apenas 19 anos, de Pazos de Borbén á Baixa Sajonia. Cousas do destino que, como cantaba Sabina, ás veces "dáche champaña e despois chinchón".  

Estás na casa? Teletraballas? Aproveita as horas de peche para sacarlle partido a todas as ferramentas que tes ao teu alcance para avanzar coa túa empresa, ou reinventala nestes tempos de crise. E se tes unha idea de negocio en mente, dálle un impulso dixital, hoxe máis que nunca Galicia vai necesitar o teu proxecto. 

Coñeces o Centro Demostrador TIC da Axencia para a Modernización Tecnolóxica de Galicia? Durante todo este mes está programando sesións en streaming para pemes e autónomos, gratuítas, e con contidos como marketing, comercio electrónico, teletraballo, ciberseguridade ou o uso do WhatsApp na empresa e no comercio. 

Empresas e axentes tecnolóxicos referentes na comunidade están colaborando para ofrecer esta formación, que ten o formato #DemosXweb e busca fomentar o teletraballo e promover a transformación dixital das pemes.

Interésache? Pois atento, que mañá arranca unha nova semana formativa.

Se queres participar desta iniciativa que está batendo records de asistentes on line só tes que rexistrarte na web do CDTIC ou a través da súa app. A vantaxe de seguir as sesións en directo é que podes interaccionar e plantexar preguntas e dúbidas no chat, que son atendidas no momento polo ponente. As que non puideras ver en directo están dispoñibles aquí.

Os centros galegos na diáspora seguides facendo oír a vosa voz, máis conectados que nunca coa vosa terra, con Galicia, iso si, por videoconferencia, como obriga o coronavirus. Sodes case 200 as entidades galegas no exterior as que vos encargades de mantervos unidos a todos os emigrantes, axudando a conservar e difundir a galeguidade por todo o mundo.

E nesta crise sanitaria na que todos estamos atrapados, os lazos de unión teñen que estreitarse máis se cabe. Por iso, Galicia emprendeu unha viaxe virtual cos galegos que residides no estranxeiro, cara a cara, aínda que en modo telemático, para escoitar as vosas necesidades. Desde a comunidade séguese dun xeito moi cercano e atento a situación que estades vivindo, por mor do coronavirus, os que estades fóra.

Unha situación que podería obrigar a por en marcha medidas extraordinarias destinadas a paliar a crise que se orixinou no caso de que fora necesario.

É a mensaxe que quere trasladar a Secretaría Xeral da Emigración ao máis de medio millón de galegos que vivides na diáspora, noutras pequenas Galicias repartidas por todo o globo. Para coñecer como o estades pasando en cada un deses enclaves galegos no exterior e para que este seguimento sexa o máis personalizado posible, o secretario xeral, Antonio Rodríguez Miranda, embarcouse nunha rolda de entrevistas virtuais. Nunha destas escalas acompañou ao presidente da Xunta, Alberto Núñez Feijóo. Cho contamos aquí.

O calendario de reunións é unha viaxe que debuxa o mapa dos galegos no estranxeiro, aínda que nesta ocasión sexa a través da pantalla do ordenador. A primeira parada foi en Arxentina e Uruguai, e o interlocutor, o delegado da Xunta nestes países, Alejandro López Dobarro. Unha visita virtual para repasar a actualidade que vivides e o que podedes necesitar para afrontar as consecuencias do Covid-19.

Nos tempos do coronavirus faise máis necesario que nunca o contacto cos que están fóra, máis de medio millón de galegos repartidos polo mundo, os emigrantes que un día se embarcaron cara a unha nova vida en América, Europa, e os seus descendentes. Pode que o fixérades no século pasado ou fai uns meses, pero todos vivides con incertidume e preocupación a mesma pandemia, e agora lle toca a Galicia embarcarse nunha viaxe virtual para visitaros e preocuparse pola vosa situación.

Sodes 523.672 os galegos que vivides no estranxeiro, unha cifra moi alta para os que vos agardan na comunidade, pero coa tranquilidade de que vos mantendes unidos grazas á labor que desempeñan as Casas de Galicia, Centros Galegos, Agrupacións Culturais nados por todo o mapa mundial para que a galeguidade perdure alá onde chegara un galego coa súa maleta. 

Sabiades que hai preto de 200 entidades na diáspora?  

A Irmandade Galega de Venezuela, a Casa de Galicia de Montevideo, son exemplos históricos de colectividades que lograron unir, cada unha, a máis de 20.000 persoas asociadas. Un feito que as fai merecedoras de permanecer como membros natos do órgano da emigración, un órgano que representa ás comunidades galegas asentadas fóra de Galicia. Trátase do Consello de Comunidades Galegas, cunha Comisión Delegada que funciona estes días como voz da diáspora.

E como acada Empathy.co recuperar o talento emigrado? Ofrecendo condicións laborais e unha proxección profesional que incentivan o retorno de expertos TIC que ata agora non tiveran a opción de desenvolver a súa carreira en España. Esta política de atracción e retención de talento baséase tamén en programas que impulsan o desenvolvemento das ideas e os proxectos propios dos traballadores.

Para o fundador da compañía, Ángel Maldonado, o crecemento que rexitraron en 2019, do 49% en facturación, “non tería sido posible sen a incorporación de talento aos nosos equipos. E nos sentimos especialmente orgullosos de ter podido recuperar talento español emigrado e incorporalo ás nosas oficinas de Asturias e Galicia”.

É o caso de Pedro Facal, que forma parte do equipo coruñés e aproveitou a oportunidade para unirse como líder de Data Science. Traballaba en McLaren Racing en Londres, e regresou.

“O que máis me atraeu de Empathy.co é a súa proxección internacional, desenvolvendo desde España un producto que usan compañías internacionais líderes nos seus sectores”, afirma Pedro Facal desde A Coruña.

A estratexia de Empathy.co ten previsto continuar durante este 2020 reforzando a súa plantilla con novas incorporacións que lles permitan seguir avanzando na súa tecnoloxía de búsqueda e descubrimento para ecommerce.

Son xa un equipo de 74 persoas e aspiran a ser 100 este ano.

“Iniciativas como esta son de grande importancia non só para os que desexan volver e continuar coa súa carreira profesional, senon tamén para a rexión, que precisa de máis apoios do sector privado e da administración para continuar repatriando talento”, explica José Lueje, director financieiro e estratéxico de Empathy.co, e xixonés retornado procedente de Citibank en Londres.

Se queres coñecer máis sobre esta empresa que axuda a que talentos como o teu regresen a casa visita a súa web. Pode que estén buscando un perfil como o teu!