Chegan desde Arxentina, Brasil, Cuba, Uruguai ou Venezuela para estudar un máster en Galicia. Pero para moitos a viaxe acaba sendo moito máis que iso: preto do 80 % dos mozos que pasan polas bolsas BEME decide quedar e construír aquí o seu futuro.

Se tes entre 16 e 30 anos, raíces galegas e talento creativo, aínda estás a tempo. Xuventude Crea abre as súas 15 especialidades á mocidade galega do exterior, con premios de ata 2.000 euros. O prazo termina este 30 de setembro.

Volver a Galicia supón empezar unha nova etapa, e os primeiros meses non sempre son sinxelos. Se regresaches recentemente, aínda permanecen abertas dúas liñas de axudas pensadas para facilitar o retorno: unha para afrontar gastos extraordinarios e outra para quen decide emprender.