Galicia mira ao mar, pero tamén ao futuro. Faio cun pé firme na tradición mariñeira e outro na innovación científica, como demostra o novo proxecto Biorock, froito da colaboración entre a Xunta de Galicia e a Universidade da Coruña. Esta iniciativa busca mellorar o crecemento e a supervivencia do mexillón —uno dos alicerces da nosa acuicultura— mediante o uso dunha tecnoloxía tan nova como prometedora: a aplicación de corrente eléctrica de baixa intensidade.

Coa firma do acordo entre a Xunta e a Universidade da Coruña, Galicia dá un paso máis cara a unha miticultura sostible e adaptada aos retos do cambio climático. En palabras de Villares, “esta acción responde á necesidade de articular ferramentas eficaces ante o impacto de factores como o cambio climático na sustentabilidade da actividade acuícola e pesqueira”.

Que é a tecnoloxía Biorock?

A base do proxecto é sinxela pero revolucionaria: aplicar corrente continua de moi baixa tensión para estimular o desenvolvemento de organismos mariños. Esta técnica, coñecida como Biorock, xa mostrou resultados positivos noutros lugares do mundo, mesmo en condicións extremas. En todos os casos, os organismos sometidos a esta contorna mostraron melloras no seu crecemento, reprodución e capacidade de supervivencia.

Agora, Galicia convértese en pioneira no estudo do potencial desta tecnoloxía aplicada ao mexillón. A fase experimental permitirá obter datos científicos sólidos sobre como inflúe o campo eléctrico nas taxas de crecemento e fixación larvaria desta especie.

Experimentos desde as piscinas ao laboratorio molecular

O convenio estará vixente ata o 15 de novembro deste ano e contempla diversas liñas de investigación:

• Medición do crecemento e asentamento en piscinas, incluíndo experimentos con mexillóns adultos.

• Análise molecular e metabólico para entender como afecta a electricidade a nivel celular, especialmente na función mitocondrial.

• Estudos sobre a fixación de larvas en distintos soportes habituais en bateas, como as cordas ou a pedra calcaria.

Trátase, en definitiva, dunha aproximación integral que combina bioloxía mariña, enxeñería e tecnoloxía para impulsar solucións sostibles e eficaces no campo acuícola.

Galicia, líder en cultivos mariños

A elección do mexillón non é casual. Galicia é a principal rexión produtora de cultivos mariños de Europa, e a miticultura —o cultivo de mexillóns— constitúe unha actividade estratéxica tanto polo seu volume económico como polo seu arraigamento social e cultural. As tradicionais bateas forman parte da paisaxe das nosas rías e son fonte de emprego e riqueza para numerosas familias do litoral.

Iniciativas como Biorock mostran que Galicia non só produce, senón que tamén innova. Que sabe coidar os seus recursos naturais con intelixencia, apostando por tecnoloxías punteiras que poden marcar o camiño da acuicultura do futuro.

Unha oportunidade para o retorno

Este tipo de proxectos tamén lanza unha mensaxe clara aos galegos e galegas que viven fóra: Galicia ofrece oportunidades de vangarda para quen quere desenvolver a súa carreira científica, técnica ou empresarial vinculada ao mar. A combinación de tradición e futuro, de universidade e industria, fai da nosa terra un lugar fértil para retornar, emprender e crecer.

Porque en Galicia, o mar non é soa orixe: é tamén destino. Un mar que alimenta, que conecta e que, grazas á innovación, convértese en motor de desenvolvemento sostible.