- GaliciaAberta finaliza a publicación das súas pezas audiovisuais informativas sobre os principais documentos e trámites a realizar para volver a Galicia lembrándonos o papel que xogan as oficinas integrais de asesoramento e seguimento ao emigrante retornado
Volviches a Galicia e tes aínda dúbidas por resolver? O DNI, os pasaportes, o empadroamento, a validez dos títulos, o coche, o carné de conducir, a vivenda, as posibles axudas… Demasiadas preguntas para iniciar a túa nova vida.
Pero non te preocupes: en Galicia respondémolas todas… !e de forma individual! Descobre as Oficinas integrais de asesoramento e seguimento ao retorno: un espazo único onde che guiarán en todas as túas consultas.
Todos os galegos do exterior que volvades a casa podedes obter información en calquera destas cinco oficinas, situadas en Santiago de Compostela, A Coruña, Lugo, Ourense e Vigo.
E se o prefires, podes usar antes a oficina virtual, no Portal Retorna de GaliciaAberta, chamando ao 981 547 239 ou enviando un mail a retorno.emigracion@xunta.gal
Esta nova 'Pílula do retorno' lanzada por GaliciaAberta explícache todos os detalles.