GaliciaAberta, a web da Secretaría Xeral dá Emigración, puxo en marcha 'Pílulas do Retorno', un conxunto de vídeos co que busca facilitar o regreso a casa de todos aqueles que volvésedes a Galicia para emprender os vosos proxectos profesionais ou persoais. 

De modo práctica e sinxelo, esta iniciativa achegaravos información sobre os principais trámites que debedes poñer en marcha á vosa chegada.

Para iso, cada xoves subirase á web de GaliciaAberta un novo vídeo no que se explicarán temas como a tramitación do DNI, a renovación ou validación do carné de conducir, a solicitude de alta na Seguridade Social ou os pasos para seguir para levar a cabo o empadroamento nunha localidade. Todos estes vídeos quedarán á vosa disposición no Portal Retorna desta páxina.

Hoxe podes gozar xa do primeiro e coñecer os pasos para dar para validar o teu carné de conducir. Lembra, o primeiro que debes facer é solicitar cita previa na Dirección Xeral de Tráfico!