• Os investigadores explican que a causa principal das mortes por cancro, que chegan aos 8,2 millóns anuais en todo ou mundo, “son as metástases que se producen tras a intravasación de células tumorales circulantes (CTC) na circulación sanguínea”
03
May
2022

O proxecto Biocellphe, liderado pola investigadora do grupo Functional NanoBioMaterials do Centro de Investigacións Biomédicas (Cinbio) da Universidade de Vigo, Isabel Pastoriza, avanza na procura dunha tecnoloxía de vangarda para a diagnose do cancro a nivel de célula individual.

Tras un ano de traballo, o consorcio, formado pola UVigo e por outras seis institucións europeos, reuniuse recentemente na Vigo para avaliar os primeiros resultados obtidos na procura dunha tecnoloxía para diagnosticar o cancro a nivel celular. A iniciativa dispón dun orzamento de 3,5 millóns de euros e na actualidade desenvolveu unha tecnoloxía que se centra na detección de marcadores tumorales a nivel unicelular, empregando bacterias e nanopartículas de ouro.

Os investigadores indicaron que a principal causa das mortes de cancro é a metástase que se produce despois da extravasación das células con tumor no circulación sanguínea.

“A caracterización destas células malignas mediante a determinación fenotípica da presenza de biomarcadores tumorales específicos, é dicir, proteínas que son características dun tipo de cancro en particular, podería axudar significativamente para alcanzar unha estratificación correcta, estimar o prognóstico, instaurar terapias precoces, avaliar a resposta aos tratamentos realizados e descubrir novas dianas terapéuticas”, explica Pastoriza.

Con todo, a diagnose temperá do cancro mediante o illamento e o estudo fenotípico das CTCs “é un método tecnicamente moi desafiante debido á cantidade extremadamente baixa destas células no torrente circulatorio”. É neste contexto no que xorde o proxecto Biocellphe, na procura de novos avances tecnolóxicos que permitan a análise fenotípica a nivel unicelular para posibilitar a oncoloxía de precisión e a medicina personalizada.

O proxecto está constituído por un consorcio multidisciplinar de grupos de investigación europeos que inclúe expertos en bioloxía sintética, nanotecnoloxía, plasmónica, microfluídica, intelixencia artificial e cancro de mama. Por parte española están implicados o Cinbio, que lidera o proxecto, o Centro Nacional de Biotecnoloxía e a Universidade Polité cnica de Madrid. Ademais, hai dous grupos franceses, procedentes do Centre de Biochimie Structurale e do Institut national de recherche pour l’ agriculture, l’ alimentation et l’ environnement ( INRAE). A eles súmase o Istituti Clinici Scientifici Maugeri SPA Società Benefit, de Italia, o Laboratorio Ibérico Internacional de Nanotecnoloxía, con sede en Braga e as empresas Rubynanomed, de Portugal e Tematis, de Francia.

Estes grupos traballan co obxectivo de xerar bacterias modificadas xeneticamente que actúen como sensores capaces de recoñecer e unirse as determinadas proteínas biomarcadoras situadas na superficie das células tumorailes. “Este recoñecemento por parte da bacteria desencadeará a produción de sinais químicos que poden detectarse simultaneamente e con extremada sensibilidade mediante dispersión Raman mellorada en superficie. Isto é o que se coñece como SERS, unha técnica analítica ultrasensible baseada en nanopartículas de ouro plasmónicas que permite alcanzar niveis de detección dunha única molécula”.

O obxectivo final de Biocellphe é implementar estes elementos nun dispositivo de microfluídica lab- on-a-chip para posibilitar a miniaturización e portabilidade da ferramenta de diagnose. Como proba de concepto, este dispositivo analítico empregarase para a detección de certos biomarcadores presentes en CTCs obtidos mediante biopsia líquida en pacientes con cancro de mama.

Compartir