- CX-Geodrone, impulsado pola Universidade de Vigo e a de Oviedo, utiliza sensores radar para detectar tamén masas forestais, vertidos de hidrocarburos ou lixo no mar
- A enxeñeira de Telecomunicacións Yolanda Rodríguez é unha das promotoras e ademais unha investigadora retornada tras estudar o doutoramento en Estados Unidos
E o Oscar do Espazo á mellor idea é para... o proxecto CX-Geodrone. Como estrelas tiveron que sentirse os promotores desta iniciativa cando recolleron o Space Oscar 2019 impoñéndose a máis de 300 propostas emprendedoras de toda Europa baseadas na navegación por satélite. E quen son os gañadores? A Universidade de Vigo e a de Oviedo, que levan máis de oito anos colaborando e materializado unha idea que consiste en instalar sensores radar en drons en voos de baixa altura, o que abre todo un novo abano de posibilidades de uso.
Entre as aplicacións nas que están traballando está a localización de minas antipersoa enterradas, a detección de masas forestais ou de vertidos como fuel oil ou basura no mar, ou mesmo restos arqueolóxcos.
A localización de minas antipersoa é un problema moi grave en varios países africanos, onde en Angola, por exemplo, poderían quedar sen detectar dous millóns de dispositivos que mutilan cada día a persoas e que non permiten facer uso de boa parte da superficie produtiva. O sistema, mediante un radar montando nun dron, detecta cunha precisión alta minas e dispositivos enterrados, segundo Yolanda Rodríguez, unha enxeñeira de Telecomunicacións promotora desta iniciativa e tamén unha investigadora retornada.
Estudiou Teleco na UVigo e o doutorado na Northeastern University de Boston. Regresou de Estados Unidos en 2015, cando o grupo de Antenas, Radar e Comunicacións Ópticas, integrado no centro de investigación atlanTTic da UVigo, a reclutou. Ademais conseguiu unha bolsanacional Juan de la Cierva. Todo un currículum de talento galego.
O reto deste proxecto é levar de xeito exitoso esta tecnoloxía ao mercado e solucionar problemas reais.
E é que se trata dunha tecnoloxía que non existía hai dez anos e por iso o mérito e valor da iniciativa é aínda maior. Así o valorou tamén o xurado da Mellor Idea do Ano Galileo Masters 2019, que recoñeceu, ademais dos beneficios sociais de CX-Geodrone, a súa clara visión empresarial.
O obxectivo é que o proyecto se convirta este ano nunha empresa. E outro dos nichos de mercado no que poden volcarse para ser sostibles é o de detección de masa forestal, xa que o radar podería detectar con exactitude e con pouca inversión cantas toneladas de madeira hai nunha zona.
Polo momento o proxecto conta co apoio de Zona Franca de Vigo, que patrocinou a fase rexional dol concurso, e lles proporciona a incubación nol viveiro do edificio Aeroespacial de Porto do Molle durante un ano. O reto non fixo máis que despegar.
Que son os Oscar do Espazo?
É un premio da convocatoria Galileo Masters promovida pola Axencia Europea GNSS, a Axencia Espacial Europea, o Centro Aeroespacial Alemán e o Ministerio Federal Alemán de Transporte e Infraestructuras Dixitais. A gala, que se celebrou en Helsinki a finais do ano pasado, está promovida polo Gobierno finés e a Comisión Europea. Acudiron a recoller o Oscar do Espazo, acompañados de representantes da UVigo e do Consorcio Zona Franca, varios dos dez integrantes do proxecto, e ademais de Yolanda Rodríguez, estaban o catedrático da UVigo Antonio Pino e o catedrático da Universidade de Oviedo Fernando Las Heras.
Sabías todo o que podes conseguir se estudas nunha universidade galega?
CX-Geodrone enmárcase no proxecto RadioUAV, unha iniciativa na que participan dez investigadores das Universidades de Vigo e Oviedo, e que conta cunha axuda de máis de 300.000 euros do programa Ignicia da Xunta. Tamén foi seleccionada para participar no modo incubadora da primeira edición da aceleradora Business Factory Aero.