Neste taller achegarémonos á época castrexa, coñecendo a importancia da agricultura e a gandería como fonte de recursos alimenticios, e descubriremos, con axuda da manipulación de réplicas arqueolóxicas, que a tecnoloxía da época xogou un papel fundamental para a supervivencia e o desenvolvemento das sociedades humanas. Finalmente, na parte práctica do taller aprenderemos o método de agricultura "bóla de arxila" tamén coñecida como Nendo Dango, e prepararemos nosa propia semente para levar a casa e plantala onde queiramos.

Exposición na que veremos unha escenografía baseada en dous aspectos: o industrial e o urbano, ademáis doutros de temática ferroviaria. A técnica emperrada é acrílica e mixta.

Durante a realización deste taller veremos os procesos de transformación da arxila desde a súa recollida ata que se converte en cerámica. A través de réplicas arqueolóxicas coñeceremos os diferentes métodos de fabricación e a gran cantidade de usos destes obxectos cerámicos ao longo dos tempos. Con nosas propias mans crearemos un recipiente castrexo, usando as técnicas e as decoracións típicas dos habitantes dos castros.

Actuación musical dentro del ciclo xacobeo nas Salas de Concertos

Os participantes neste taller descubrirán os segredos da escritura e como evolucionou ao longo da historia, desde as primeiras representacións artísticas do Paleolítico, ata a chegada da imprenta na Idade Moderna. Converterémonos en escribas medievais usando os útiles do pasado, practicando caligrafía medieval e iluminando unha letra.

Este ano, a celebración anual do Día Internacional dos Museos ten por lema “O futuro dos museos: Recuperar e reimaxinar”.

Con motivo da celebración do Día Internacional dos Museos 2021, o Museo Arqueolóxico Provincial de Ourense súmase á celebración ao través de varias propostas. Entre elas a actuación de Quico Cadaval "A memoria reimaxinada".

Será no Liceo de Ourense, no Salón Nobre. A capacidade está limitada a 50 persoas, con entrada libre ata completar as prazas.

Tamén será retransmitida vía streaming, na páxina web do museo.

A exposición realizada pola Secretaría Xeral da Igualdade da Xunta de Galicia é un recoñecemento ás precursoras galegas da comunicación. Xornalistas, escritoras, mulleres comprometidas que contribuíron irremediablemente á modernización política, social e cultural, empregando o máis indestrutible instrumento de poder; a palabra, na súa escrita, na súa voz, na súa capacidade de comunicar.

Nesta mirada desde a historia, imprescindible na loita pola igualdade de xénero, encontramos as opinións agudas de Emilia Pardo Bazán escritas en mais de dous mil artigos de prensa; pioneiras como Mª Luz Morales, primeira directora dun xornal; cultivadoras de versos en galego como Filomena Dato; críticas literarias eternamente cuestionadas como Concha Castroviejo ou corresponsais de guerra como Sofía Casanova. Mulleres que demostraron que no cumio do xornalismo tamén hai nomes de muller.

A exposición pode visitarse no vestíbulo da biblioteca durante o horario de apertura.

O espectador será testemuña do proceso de aprendizaxe que emprende o
protagonista da man do mestre da escola (unha figura que simboliza a
liberdade que xera o coñecemento da realidade e o respecto cara o próximo)
e é testemuña tamén da traxedia que supuxo vivir con medo, do cru impacto
que xera o estalido dunha guerra civil.

A través da entrañable relación que manteñen o mestre, don Gregorio, e o
neno, vaise descubrindo paulatinamente ante o espectador a beleza daquelas
realidades cotiás que pasan inadvertidas (como o mundo dos insectos),
facendo partícipe ao receptor da historia da fascinación infantil do
protagonista ante o descoñecido e do sufrimento que provoca a represión das
liberdades humanas.

Elenco: Fran Lareu, Fernando Dacosta, Fina Callelja, Sabela Gago, Josito
Porto e Elena Seijo

A Biblioteca de Galicia [1] acolle ata principios do
próximo marzo a exposición 'Lugín en Compostela, 150 anos do seu
nacemento' unha mostra coa que a Xunta de Galicia rende homenaxe ao autor da
célebre novela 'La Casa de la Troya' a través dun percorrido histórico
sobre o impacto desta publicación e os vínculos do xornalista coa cidade de
Santiago de Compostela.

Trátase dunha exposición imprescindible para coñecer a sólida
relación de Pérez Lugín con Galicia e poñer en valor a fonda pegada que
esta publicación deixou na literatura como referente da denominada novela
estudantina a través dunha excelente descrición da Galicia.

A Biblioteca de Galicia expón así deferentes pezas e exemplares únicos a
través de cinco eixos temáticos. O primeiro deles céntrase na cidade de
Compostela en tempos da Casa da Troia, mentres que o segundo afonda no
impacto da novela e do emprego da linguaxe expresiva na época. O terceiro
dos eixos baséase nas versións teatrais e cinematográficas das
publicacións e o cuarto nos libros que tratan sobre a Casa da Troia, entre
eles a primeira edición de La Casa de la Troya, de 1915, cuxa portada fixo
Castelao e que recibiu en 1916 o premio Fastenrath da Real Academia
Española. O último dos apartados leva o título de A Casa da Troia: un
fenómeno editorial.

Lugín en Compostela, 150 anos do seu nacemento poderá verse, con entrada
gratuíta, na Biblioteca e Arquivo de Galicia da Cidade da Cultura ata o 5 de
marzo en horario de 10.00 a 20.00 horas.

[1] http://bibliotecadegalicia.xunta.gal/gl

Presentación pola propia homenaxeada, Sofía Oriana Infante, dunha charla,
concerto, audiovisual, da súa traxectoria profesional con outros
intérpretes que lle acompañan: EntreElas Grupo Vocal, Irene Caruncho
e Laura Ximénez (Fagot).