Os documentais A Foreing Song e Onde máis doe centran a programación do mes de outubro do Ciclo Mestre Mateo de 2023 nos centros galegos que participan este ano neste programa que se desenvolve grazas á colaboración entre a Secretaría Xeral dá Emigración e a Academia Galega do Audiovisual.

Esta iniciativa permite achegar o cinema feito en Galicia, e en concreto, os finalistas dos premios Mestre Mateo aos galegos do exterior a través destas entidades.

Neste ciclo colaboran o Centro Galego de Áraba, a Casa de Galicia en Las Palmas de Gran Canaria, o Centro Galego de Lisboa, o Centro Galego de Salamanca, A Nacional de Manhattan, o Centro Galego de México e Sementeira de Suíza. Ademais, algúns centros tamén proxectarán as películas Valentina, ou Corpo Aberto e Unicorn Wars.

Onde máis doe

Despois de ameazar durante anos ao seu ex parella, MM asasina a golpes de pa ao seu fillo de 11 anos. Que move a unha persoa en pleno uso das súas facultades para matar a un fillo? Por que o feito de que unha muller non se someta e tente actuar pola súa conta pode alentar un castigo tan brutal?

A Foreing Son

Traballou nunha compañía de seguros durante 40 anos. Todos os días levantábase ás 6 e deitábase ás 9. Nos seus días tranquilos non hai peripecias reseñables, nin grandes dramas. Ninguén diría que este home de vida común e aburrida é o autor dunha das obras poéticas máis singulares do século XX. Cando se lle pediu unha recensión biográfica para presentar a súa obra, o poeta modernista estadounidense Wallace Stevens negouse a escribila. Cría profundamente que a poesía non é persoal e que a voz que estaba detrás dos seus poemas era en realidade a voz dun Outro. Alguén, ao lonxe, observa as casas idénticas nos suburbios solitarios de Estados Unidos. Na cidade do diñeiro, onte e hoxe, unha multitude camiña sen descanso. Voces sen rostro len fragmentos das cartas do poeta. Un paxaro de plumas douradas canta unha canción.