- O programa inclúe 48 axudas para cursar o nivel básico e outras 60 para ciclos formativos da modalidade dual
No marco da Estratexia Galicia Retorna, o o Goberno galego ha activado unha nova edición do programa Retorna Talento FP para o curso 2024-2025. O obxectivo é que 108 mozos galegos do exterior poidan mellorar a súa cualificación e volver á súa terra de orixe con apoios que oscilan entre 6.500 e 10.800 euros.
O orzamento para esta convocatoria é de case 1 millón de euros. Neste curso 2023/24 son un total de 34 os mozos e mozas que están a cursar estudos de FP ao amparo deste programa nos centros integrados de FP Someso (A Coruña), Universidade Laboral (Culleredo), Ferrolterra (Ferrol), Vilamarín (Vilamarín) e no Instituto IES Chapela (Redondela).
Formación básica
A convocatoria divídese en dúas categorías, en función do tipo de estudos que se ofertan. Así, a modalidade para recolle 48 bolsas para estudar programas específicos básicos de FP durante o curso 2024/25. Neste caso a bolsa é de 6.500 euros por alumno e a relación de programas formativos ofertados, a razón de 16 prazas cada un, é a seguinte:
| Municipio | Centro | Programa formativo de formación específica básica |
|---|---|---|
| A Coruña | CIFP Someso | Albañilería e fontanería |
| Culleredo | CIFP Universidade Laboral | Fontanería, calefacción, electricidade e telecomunicacións en edificios |
| Ferrol | CIFP Ferrolterra | Fontanería, calefacción, electricidade e telecomunicacións en edificios |
60 prazas na FP Dual
No caso caso da modalidade B, inclúe un total de 60 prazas para cursar cinco ciclos de Formación Profesional Dual nos cursos 2024/25 e 2025/26, cunha bolsa de 10.800 euros por estudante. Neste caso, durante o primeiro curso poderán realizar unha parte da formación a distancia, pero a formación práctica nas empresas será sempre presencial, do mesmo xeito que todo o segundo curso.
Os ciclos ofertados, con 12 prazas cada un, son os reflectidos na seguinte táboa:
| Municipio | Centro | Ciclo de FP Dual |
|---|---|---|
| Ferrol | CIFP Ferrolterra | Ciclo superior de Deseño e amoblamento |
| A Coruña | CIFP Someso | Ciclo superior de Proxectos de edificación |
| Culleredo | CIFP Universidade Laboral | Ciclo superior de Desenvolvemento de proxectos de instalacións térmicas e de fluídos |
| Vilamarín | CIFP de Vilamarín | Ciclo superior de Xestión de aloxamentos turísticos |
| Redondela | IES de Chapela | Ciclo medio de Atención a persoas en situación de dependencia |
A Consellería de Cultura, Educación, FP e Universidades asinará convenios con empresas de referencia das zonas de influencia de cada un dos centros educativos para o período de formación en centros de traballo deste alumnado.
Bolsas BEME
Doutra banda, o Goberno galego lanzou a finais de ano unha nova convocatoria das Bolsas de Excelencia Mocidade Exterior (BEME) para 2024/25, destinadas a fomentar o retorno de universitarias e universitarios menores de 40 anos á Comunidade autónoma, cubrindo gastos como viaxe, matrícula, aloxamento e manutención. Con axudas que oscilan entre os 8.000 e os 12.500 euros, a iniciativa forma parte da Estratexia Retorna 2023-2026 e investirá máis de 2,5 millóns de euros, ofrecendo preto de 2.000 oportunidades de retorno.