Galicia non se esquece dos centros galegos do exterior. Todas aquelas entidades que o desexedes, tedes aberto, desde onte e durante o próximo mes, o prazo para a solicitude da liña de axudas destinada a facilitar o desenvolvemento de varias das actividades que levan a cabo as nosas entidades en todo o mundo. 

Cun orzamento de 1,35 millóns, a convocatoria conta con tres liñas: gastos de funcionamento, axudas para proxectos culturais, sociais, de accións informativas e proxectos promovidos pola mocidade e unha terceira de axudas para accións de especial relevancia.

Os máis dos 200 centros galegos na diáspora que conservades e difundides a cultura propia desde todos os recunchos do mundo (América, Europa ou España), tedes unha responsabilidade como principais difusores das tradicións, costumes e legado inmaterial de Galicia máis aló das nosas fronteiras. Para facilitarvos este traballo, a Secretaría Xeral dá Emigración activa unha nova convocatoria deste programa especialmente pensado para vós.

En canto á primeira liña, e co fin colaborar no funcionamento das entidades galegas no exterior, este ano destínanse a este fin 575.000 euros. 

A segunda, vai dirixida á posta en marcha de proxectos culturais, sociais, de accións informativas e actividades promovidas pola mocidade, ao que se destinarán un total de 675.000 euros. 

Á terceira, co obxectivo de axudar ás entidades para realizar accións de especial relevancia, destinarase un crédito de 100.000 euros.