Se es galego, resides en Suíza pero estás a pensar en volver á nosa terra, esta información interésache. O goberno galego ha organizado este fin de semana tres sesións sobre temas tributarios para que poidades resolver todas as vosas dúbidas na materia.

As sesións informativas, ofrecidas pola Secretaría Xeral dá Emigración en colaboración coa Axencia Tributaria de Galicia (ATRIGA), celebraranse en Xenebra, Berna e Zürich. O obxectivo é achegarvos a situación tributaria en España a quen resides en Suíza e queirades retornar.

As xornadas terán lugar o venres 20 en Xenebra, ás 19.30 horas, no local da Nosa Galiza; o sábado 21 na Sala Punkt.Null de Berna, ás 17.00 horas; e o domingo 22, na Asociación Cultural "As Xeitosiñas" de Zürich, ás 16.00 horas. As charlas informativas correrán a cargo do xefe de Área de Inspección Tributaria da Xunta de Galicia, Juan Antonio Mosquera Pena.